Wenn Paulus ein Brassbandfan gewesen wäre

Paulus hat die christliche Gemeinde im Brief an die Gemeinde in Korinth mit einem Körper verglichen. Das Haupt ist Christus, jeder einelne Mensch ein gleichwertiges und wichtiges Glied dieses Körpers und nur gemeinsam ein Ganzes.

An den Schweiz. Posaunentagen 2010 in Interlaken hat Markus Bach von Wabern den Text aus dem Korintherbrief in eine spezielle Übersetzung gebracht und das Bild vom Körper in ein Bild einer Brassband transferiert.

Herzlichen Dank an Markus Bach für diese Übertragung
von 1. Korinther 12, 12 - 27.

Vil Inschtrumänt - ei Musig

So wi ne Musig es Ganzes isch und doch vili Inschtrumänt het, und alli Inschtrumänt ei einzigi Musig usmache, so isch es o mit Chrischtus. Mir sy ja alli zäme zur e Musiggruppe zäme cho, öb Superbläser oder Afänger, öb Unbegabti oder taläntierti Lüt, und mir hei alli eis Musigstück uf e Ständer übercho, wo ei Komponischt gschaffe het.

D Musig het ja nid numen eis Inschtrumänt, nei, mängs! We der Bass sieg: „I bi ned e Es-Cornet, also ghören i nid zur Musig“, ghört er de nid trotzdäm zur Musig? Und we d Posune sieg: „I bi nid es Euphonium, also ghören i nid zur Musig“, ghört si de nid trotzdäm derzue? We di ganz Musig nur us Solocornet bestiend, wo wär de di zwöit und dritti Stimm? Wen si nume Schlagzüg wär, wie chönnt me de e Melodie spiele?

Gott het d Inschtrumänt gschaffe, jedes einzelne ir Musig, win är het welle. We alli e Musig wäre, wo wär de Vielstimmigkeit? Jetz git’s äbe mängs Inschtrumänt, aber ei einzigi Musig. D Posune cha nid zum Flügelhorn säge: „I bruuche di nid!“ und ds Es-Cornet zu de Bäss: „I bruuche öich nid!“ Im Gägeteil: Grad die Stimme, wo uninteressant schyne, sy bsunders nötig; und zu dene, wo weniger solistisch spile, hei mer bsunders Sorg; und was is schwierig dunkt, das üebe mer ganz bsunders hüüfig, aber was is eifach dunkt, het das nid nötig. Es söll äben ir Musig kei Unstimmigkeit gä, nei, d Glider söllen alli ufenand lose. Und we eis Inschtrumänt e heikli Passage z spiile het, de lyden alli Inschtrumänt mit ihm; we eis Inschtrumänt en Ehrig erfahrt, fröie sich alli Stimme mit ihm.
Dihr syt d Musig für Gott und Chrischtus isch dr Dirigänt.